काठमाडौं— सोमबार सेयर बजार सामान्य अंकले बढेको छ। कारोबारको अधिकांश समय घट्दो क्रममा रहेको बजार अन्तिम समयमा खरिदकर्ता सक्रिय भएपछि हरियो अंकमा बन्द भएको हो।

नेपाल स्टक एक्सचेञ्ज (नेप्से) परिसूचक ६.७४ अंकले बढ्दै १६०१.६१ बिन्दुमा पुगेको छ। यो ०.२५ प्रतिशतको वृद्धि हो। आज दिनभर ३ अर्ब ४४ करोड १९ लाख रुपैयाँ बराबरको ७७ लाख ५७ हजार ६२५ कित्ता सेयर कारोबार भएको छ।

बजार बन्द हुँदा १५५ कम्पनीको सेयर मूल्य बढेको छ भने ९४ कम्पनीको मूल्य घटेको छ। १० कम्पनीको सेयर मूल्य स्थिर रहेको छ। कुल ३२९ कम्पनीको कारोबार हुँदा ५६ हजार १२२ पटक सेयर किनबेच भएको नेप्सेले जनाएको छ। आज दुई कम्पनीको सेयर मूल्य सकारात्मक सर्किट लेबलमा कारोबार भएको थियो।

१३ वटा समूह मध्ये होटेल तथा पर्यटन, लगानी, लघुवित्त, म्युचुअल फण्ड र अन्य समूह घटेका छन् भने बाँकी समूहमा सुधार देखिएको छ। सबैभन्दा बढी फाइनान्स समूह ०.९० प्रतिशतले बढ्दा लगानीकर्ताको आकर्षण यही समूहमा केन्द्रित देखिएको छ। यता ‘अन्य’ समूह भने ०.१७ प्रतिशतले घट्दै सबैभन्दा धेरै ओरालो लागेको समूह बनेको छ।

विश्लेषकहरूका अनुसार बजारमा स्पष्ट दिशा नदेखिए पनि अन्तिम समयमा देखिएको खरिद चापले लगानीकर्ताको मनोबल अझै कमजोर नभएको संकेत गरेको छ।