काठमाडौँ - भारत र आयरल्याण्ड बिचको टि-२० सिरिज सकिएपछि आइसीसीले नयाँ वरियता सार्वजनिक गरेको छ। ब्याट्सम्यानको सूचीमा पाकिस्तानका कप्तान बाबर आजम नम्बर १ मै कायम रहेका छन्। यससँगै बाबर आजमले ठूलो कीर्तिमान बनाएका छन्। उनले भारतीय टोलीका पूर्व कप्तान विराट कोहलीलाई पछि पारेका छन्।

आईसीसीले बाबर आजम टी-२० वरीयतामा सबैभन्दा लामो समयसम्म नम्बर १ ब्याट्सम्यान बनेको जानकारी दिएको छ। यसअघि यो कीर्तिमान विराट कोहलीको नाममा थियो, जो १०१३ दिनसम्म टी-२० वरीयतामा नम्बर १ मा रहेका थिए।

बाबर आजम लामो समयदेखि टी-२० वरीयतामा नम्बर १ स्थानमा रहिआएका छन्। हाल उनको आईसीसी रेटिङ ८१८ छ, जबकि उनको करियरको उत्कृष्ट ८९६ छ। अर्कोतर्फ, विराट कोहलीको कुरा गर्ने हो भने उनि अहिले ५७१ रेटिङका ​​साथ २१ औं स्थानमा रहेका छन्।