काठमाडौँ। सफल नेपाली चलचित्र 'नाइँ नभन्नु ल'को छैंठौं सिरिज बन्ने भएको छ। निर्देशक तथा लेखक विकास राज आचार्य चलचित्रको तयारीमा लागेका छन्। चलचित्रले आफ्नो पाँचौ सिरिजसम्म दर्शकहरूबाट धेरै माया पाएको छ l पहिलो सिरिजबाट नै चलचित्रमा फरक-फरक कलाकारहरूको अभिनय रहने गरेको छ l

चलचित्रको छैंठौं सिरिजमा पनि नयाँ अनुहार देख्न पाइने भएको छ l नयाँ अनुहारलाई चलचित्रमा भित्र्याउने तयारीमा  निर्देशक आचार्य रहेका छन् l चलचित्रको छायांकन वैशाखबाट सुरु हुने बताईएको छ l सलोन बस्नेत भित्रिसकेको चलचित्रमा अन्य कलाकारहरू बारे निर्माण पक्ष छलफल गरीरहेको छ l तीन अभिनेत्री र एक अभिनेताको कथामा बन्ने चलचित्रमा एक नयाँ अभिनेत्री देखिने छिन् l यसअघिका सिरिजमा रिचा सिंह ठकुरी , स्वस्तिमा खड्का , प्रियङ्का कार्की , जीवन लुइँटेल, अभिशेक नेपाल लगायत कलाकारहरूलाई देखिसकिएको छ l चलचित्रमा निर्देशक आचार्यको कथा लेखन रहने छ भने पटकथामा सामीप्यराज तिमल्सिनाले आचार्यलाई सहयोग गरेका छन्।