काठमाडौँ — जनता समाजवादी पार्टी (जसपा) नेपालका अध्यक्ष उपेन्द्र यादवले अन्तरिम सरकारको नेतृत्वमा पूर्वप्रधानन्यायाधीश सुशीला कार्कीलाई सिफारिस गर्ने निर्णय अत्यन्त सकारात्मक भएको बताएका छन्।

सामाजिक सञ्जालमार्फत उनले वर्तमान संविधानलाई संशोधन र पुनर्लेखन गरी परिमार्जन गर्न संविधान र संसद् कायम राख्नुपर्ने कुरा जोड दिएका छन्। यादवले स्पष्ट रूपमा भनेका छन्, "संविधान र संसद् कायम राखेर मात्रै वर्तमान संविधानलाई संशोधन र पुनर्लेखन गरी मुलुकको राजनीतिक निकास निकाल्न सकिन्छ। संसद् विघटन र संविधानको खारेजी मुलुकको हितमा हुन सक्दैन।"

उनको यस धारणा अनुसार लोकतान्त्रिक संरचना र संविधानको सम्मान गर्दै समाधान खोज्ने प्रक्रियामा जोड दिइएको छ।