काठमाडौँ - शुक्रबारदेखि नेपाली हलमा फिचर फिल्म ‘दुई नम्बरी’ र ओटीटी प्लेटफर्म नेटफ्ल्क्सिमा २०७२ सालको नेपालको भूकम्पमाथि बनेको डकुमेन्ट्री ‘आफ्टरसक : एभरेस्ट एण्ड द नेपाल अर्थक्वेक’ रिलिज भएका छन्।

दीपेन्द्र लामा निर्देशित ‘दुई नम्बरी’मा दयाहाङ राई, सौगात मल्ल, उपासनासिंह ठकुरी र बुद्दि तामाङको अभिनय रहेको छ। २ घण्टा ५ मिनेट लामो फिल्मले मित्रताको कथा भन्छ।

नेटफ्ल्क्सिमा २०७२ सालको नेपालको भूकम्पमाथि बनेको डकुमेन्ट्री ‘आफ्टरसक : एभरेस्ट एण्ड द नेपाल अर्थक्वेक’ पनि शुक्रबारदेखि नै रिलिज भएको छ।

विनाशकारी भूकम्पलाई चित्रण गरिएको यो डकुमेन्ट्री सशक्त लाग्छ। काठमाडौं उपत्यका, सगरमाथा क्षेत्र र लाङटाङमा छायांकन गरिएको यो डकुमेन्ट्री तीन सिरिजमा विभाजित छ जसमध्ये पहिलो भागलाई नेटफ्ल्क्सिले रिलिज गरेको हो।

डकुमेन्ट्रीमा भूकम्पमा ज्यान बचाउन सफल ३५ भन्दा बढी व्यक्तिसँगको अन्तर्वार्तासहित भूकम्पको समयका फुटेजहरु प्रस्तुत गरिएको छ। वृत्तचित्र रुचाउने दर्शकलाई यो फिल्म प्रिय हुनसक्छ।